1972 жылы 13 ақпанда Түркістан қаласында дүниеге келген. 1993 жылы Шымкент қаласындағы Ә.Қастеев атындығы Көркемсурет училищесін «Суретші-безендіруші» мамандығы бойынша, Ресейдің Санкт-Петербург қаласындағы Көркемсурет училищесін «Батик және қолданбалы-сәндік өнері» мамандығы бойынша бітірген. Х.Досмұхамедов атындағы Атырау Мемлкеттік университетінде «Дизайн» мамандығы бойынша білім алған. Қазақстан Суретшілер одағының мүшесі, ҚР Мәдениет қайратері. 2002 жылы Францияда Дүниежүлік суретшілер көрмесіне қатысқан. 2007 жылы халықаралық «Шабыт» фестивалінің лауреаты. 2008 жылы ҚР Тұңғыш Президенті музейінде өткен көрмеге қатысып, 2010 жылы осы музейде жеке шығармашылық көрмесін өткізген. 2015 жылы Қазақ хандығының 550 жылдығы мен Қазақстан Халықтары ассамблеясының 20 жылдығына орай Біріккен Араб Әмірлігінде өткен шейх Заид бен Сұлтан Әл Нахаян атындағы халықаралық мәдени мұра фестиваліне, 2016 жылы Германияның Мюнхен қаласында өткен Наурыз көрмесіне қатысқан. Туындылары Ресей, Түркия, Кипрде өткен Наурыз көрмелеріне қатысқан.