2023 жылдың 16 мамыр күні  Атырау облыстық Ш.Сариев атындағы  көркемсурет және қолданбалы-сәндік өнер музейінде «Алғашқы қазақ суретшілері» тақырыбына арналған тақырыптық дәріс сағат өткізілді.

Дәріс сағат өткізудегі басты мақсат – музей көрермендерін алғашқы қазақ суретшілерінің өмірбаянымен, қылқаламның хас шеберлерінің  ерекше шығармашылығы және  Өнер музей қорындағы мәдениеттің мәйегі саналатын тың туындыларымен таныстыру.

 «Алғашқы қазақ суретшілері» деп аталатын бүгінгі дәріс сағатымыздың тақырыбына орай, Алғашқы қазақ сурет өнерінің дарабоз суретшілері Ә.Қастеев пен Ә.Ысмайлов шығармашылығындағы алғашқы қадамдары осы өнердің көркемдік процестерге ықпалын тигізіп, содан кейін көптеген суретшілердің өнерінде қазақ кескіндемесіне кірген рухани басымдықтар стильдік көрсетілімдердің ең бай қырларының арасында сирек тұрақтылыққа қол жеткізгендіктерін айта аламыз. 

Әбілхан Қастеев– қазақ бейнелеу өнеріне алғаш жол салған кәсіби суретші. 1904 жылы 1 қаңтарда Талдықорған облысы, Жаркент ауданының Шежін ауылында дүниеге келген. 1929 - 1931 жылдары Н. Г. Хмудовтың студиясында бейнелеу өнерінің негізін үйренеді.

1930 жылы Москва қаласындағы мұражайларымен танысады, 1937 жылы Қазақ ССР - інің халық суретшісі атағын алды. Танымал туындылары

«Колхоздағы сүт ферма», «Мақта жинау», «Колхоздың тойы», «Қыз алып қашу», «Сатып алынған қалыңдық», «Алтын астық», «Ақсай карьері», «Медеу мұз айдыны», «Түрксіб», «Талас жағалауы», «Қапшағай даласы».

Өнер музей қорында Қастеевтің «Маңғышылақ. Өзендегі қыс» тақырыбында картина бар.

Дәріс сағатқа № 42 Нұрлан Балғынбаев атындағы орта мектептің оқушылары қатысып, көрме залдарын тамашалады.