?2024 жылы 25 қаңтар күні Атырау облыстық Ш.Сариев атындағы көркемсурет және қолданбалы-сәндік өнер музейінде «Аниме – менің кейіпкерлерім» тақырыбында музей жанындағы көркемсурет студиясы оқушыларының шығармашылық көрмесі өтті.

?Көрменің мақсаты: Оқушыларға бейнелеу өнерінің аниме жанры туралы түсінік беру; жас қылқалам шеберлерінің шығармашылығына қолдау жасау, бейнелеу өнеріне деген қызығушылығын арттыру.

?Аниме – жапон анимациясы. Жапон тіліндегі аудармасы да осы нұсқаны көрсетеді. Анименің қарапайым мультфильмдерден айырмашылығы көрермендері тұрақты балалар емес, орта жасқа да және үлкендерге де арналған. Аниме суретпен салынған кейіпкерлерімен ерекшеленеді. 

?Аниме жалпы көрерменге арналған серия түрінде және жеке қызығушыларға арналған арнайы фильм ретінде де көрсетіледі. Ең қызығы бір анименің өзінде түрлі жанрлар мен кейіпкерлер тоғысқан. 

?Көрмеге көркемсурет студиясы оқушыларының жұмыстары қойылды. Әрбір жұмыс ерекше, үлкен ықылас пен сүйіспеншілікпен бейнеленген. Кез-келген сурет балалардың шынайылығы мен энергетикасына толы. Суреттер  гуашьпен, акварельмен және түрлі-түсті қарындашпен салынған.