2025 жылғы 17 қыркүйекте Шаймардан Сариев атындағы Атырау облыстық көркемсурет және қолданбалы-сәндік өнер музейінде студия оқушыларының қатысуымен "Күздің алтын жапырағы" атты тақырыптық көрме өтті.

Көрмеге 6 жастан жоғары балалар қатысып, күз мезгілінің сұлулығын өз көзқарастары арқылы бейнелеген шығармаларын ұсынды. Әр туындыдан балалардың табиғатқа деген сүйіспеншілігі, қиялы мен шығармашылық шеберлігі анық байқалды.

Көрме оқушылардың көркемдік ойлау қабілетін дамытып, оларға шабыт сыйлауды мақсат етеді. Музей ұжымы балалардың өнерін қолдауға бағытталған осындай іс-шаралар алдағы уақытта да жалғасын табатынын атап өтті.