Осыған орай, Атырау облыстық Ш.Сариев атындағы көркемсурет және қолданбалы-сәндік өнер музейінің экскурсия жүргізушісі Лаура Сақтапбекқызы дайындаған Ұлы тұлға, Абай Құнанбайұлының 175 жылдығына орай музей қоры туындыларынан «Абай жаққан бір сәуле сөнбеу үшін» тақырыбындағы онлайн дәріс-сағатын назарларыңызға ұсынамыз. Әртүрлі тақырыпта өлең жазып ел көңілін баураған, қара сөздерімен қазақты надандықпен, көрсеқызарлықпен, қараңғылықпен күреске шақырған Абай Құнанбайұлының есімі әр қазақтың жадында сақталады. Дана да, дара Абайы бар қазақ бақытты. Абайды ұлағаттау, ұрпаққа насихаттау біздің парызымыз. Абай тақырыбын қаламына арқау еткен суретші көптеп саналады. Дәріс сағатында Өнер музейі қорында сақталған Жантасов, Исабаев, Қабесова секілді суретшілеріміздің туындылары ұсынылды. http://shaimardan.kz/kk/… #BizBirgemiz #ONLINEdaBOL