1952 жылы Көкшетау қаласында дүниеге келген. 1976 жылы Абай атындағы Қазақ Педагогика институтының «Көркемсурет-графика» факультетін бітіргеннен бері Атырау қаласында жұмыс істейді. Республикалық, одақтық көрмелерге қатысқан. 1990 жылдан Қазақстан Дизайнерлер одағының, 1993 жылдан Қазақстан Суретшілер одағының мүшесі атанды.

1985 жылы Алматы қаласындағы «Жеңістің-40 жылдығы» республикалық көрмесіне, ал 1986 жылы «Қазақстанның Монументалдық өнері» атты республикалық көрмесіне қатысқан.

1990 жылы «КазСРО-70 жыл» атты республикалық көрмесіне, 1997 жылы Ә.Кастеев атындағы музейінде өткен «Парад галерей» көрмесінің қатысушысы болған. 2001 жылы «Татулық» атты жылжымалы көрмеге қатысқан.

2009 жылы Алматы қаласындағы Ә.Кастеев атындағы музейде өткен Қазақстан Суретшілер Одағының Республикалық көрмесіне қатысқан.

Сонымен қатар 1998 жылы Грузия елінің Қазіргі заманғы өнер арт-галереясының және 1999 жылы Польшадағы Қазіргі заманғы өнер галереясының өткізген көрмелеріне қатысқан.