2022 жылы 5 қазан күні Атырау облыстық Ш.Сариев атындағы көркемсурет және қолданбалы-сәндік өнер музейінде Атырау қаласы күніне арналған «Ғажайып мекен құпиясы» тақырыбында QUEST-ойыны өтті.

Бұл QUEST-ойынның мақсаты – жоғары мектеп жасындағы балалардың жеке ерекшеліктерін ескере отырып конструктивті өзара әрекеттесу тәсілдерін меңгеруіне барлық жағдайды жасау; туған қаласына, өлкесіне деген сүйіспеншілікке тәрбиелеу; қазақ халқының мәдениетімен, салт-дәстүрімен таныстыру. Бейнелеу өнері туралы, Қазақстан суретшілерінің шығармашылығы туралы білімдерін кеңейту, сонымен қатар Ш.Сариев атындағы Өнер музейі қорындағы жәдігерлерге қызығушылықты арттыру.

Квест - бұл оқиғаны ілгерілету үшін мәселелерді шешу керек болатын шытырман оқиғалы ойын. Бұдан шығатын қорытынды, әдетте, жұмбақтарды шешу арқылы  жетуге болатын белгілі бір мақсат бар. Әрбір жұмбақ келесі нүкте мен келесі тапсырманың кілті болып табылады.

QUEST ойыны 3 турдан тұрды, әр команда турлардан өтіп, ойынға белсене қатысты. Ойында Ш.Сариев атындағы Өнер музейінің қорындағы экспонаттар (туындылар) туралы,  бейнелеу өнерінің тарихы мен мәдениетіне қатысты логикалық сипаттағы сұрақтар қойылды. Аяқталған экскурсиялардан кейін қатысушылар Атырау қаласының тарихына қатысты сұрақтарға жауап бере отырып, викторинадан өтті.

QUEST-ойынының жеңімпаздары Ш.Сариев атындағы Өнер музейінің атынан сертификаттар және диплом, алғыс хаттармен марапатталды.