2022 жылдың 31 қазан күні Атырау облыстық көркемсурет және қолданбалы-сәндік өнер музейінде қазан айын қорытындылайтын "Графика туындылары" тақырыбында "Құнды қор" жобасының кезекті шығарылымы ұсынылды.

Графика-негізгі бейнелеу құралы ретінде сызықтарды, штрихтарды,  дақтар мен нүктелерді қолданатын бейнелеу өнерінің бір түрі. (Бояуды да қолдануға болады, бірақ кескіндемеден айырмашылығы, бұл жерде дәстүрлі түрде көмекші рөл атқарады).

П. А. Флоренский графиканы "белгілі бір бағыттың, белгілі бір қозғалыстың бейнелеу символы ретінде негізгі кескіндеу элементі сызық болып табылатын өнер" деген. Бір-біріне қарама-қайшылықта алынған сызық пен нүктелердің экспрессивті мүмкіндіктерін талдау негізінде Флоренский тіпті өнертануда қабылданған өнерді жіктеу жүйесін өзгертуді ұсынады. Негізгі форма түзуші элемент сызық болып табылатын пластикалық өнердің барлық туындылары графикаға жатқызылады, ал экспрессивті тілі даққа (және оның шеткі түрі  – нүктеге) негізделген туындылар кескіндеме туындылары болып саналады.

Ш. Сариев атындағы өнер музейінің қорында графиканың 1052 туындысы сақталған. Бейнероликте олардың кейбіреулері, атап айтқанда Е.Бейсембинованың "Қарғалар", "Көктем", Ә. Қастеевтің "Маңғышлақ.Өзендегі қыс", Н.Гаевтың "Тың жер" және т.б. шығармалары ұсынылды.