2023 жылы 10 наурыз күні сағат 11:00-де Ш.Сариев атындағы Атырау облыстық көркемсурет және қолданбалы-сәндік өнер музейінде Қазақстан Республикасы Суретшілер Одағының мүшесі, Қазақстан Республикасы білім беру ісінің үздігі, суретші Жантасов Әділқайыр Пангерейұлының 65 жылдығына арналған «Өмірін өнерге айналдырған» атты музей қоры туындыларынан көрмесі өтті.

Көрменің мақсаты: оқушыларды суретшінің өмірбаянымен таныстыру. Олардың көркемдік талғамын қалыптастыру, суретшінің шығармашылығы мен картиналарына қызығушылықты ояту.

Жантасов Әділқайыр Пангерейұлы 1958 жылы 20 наурызда Атырау облысы Индер ауданында дүниеге келген.

1975 жылы Алматы қаласындағы Н.В.Гоголь атындағы көркемсурет училищесіне түсіп, 1981 жылы «Қолөнер» бөлімін үздік тәмамдады.

1981-1986 жылдары Алматы мемлекеттік театр және өнер институтында білім алған.

ҚР Суретшілер Одағының мүшесі, ҚР Дизайнерлер Одғының мүшесі, ҚР білім беру ісінің үздігі.

1994-1996 жылдары Атырау облыстық Суретшілер Одағының төрағасы міндетін атқарған.

25 жыл бойы Н.Тілендиев атындағы Кіші өнер академиясында ұстаздық етті.

2001 жылы ҚР Президентінің алғыс хатымен марапатталған.

1977 жыл Германияда Дрезден музейінде, 2002-2009 жылдары Италияның Венеция, Милан қалаларында өткен шеберлік сағаттарға қатысқан.

Өкінішке қарай, өнер иесі 63 жасында өмірден озды. Суретшінің жеке қорында жүзден астам картина бар. Әділқайыр Жантасов өз сұхбаттарында ешқашан атақ-даңқ қумағанын, сондықтан қарапайым өнер ұстазының жолын таңдағанын, оның шығармалары күні бүгінге дейін шабыт беріп, халық жадында мәңгі сақталатынын атап өтті.

Көрмеге суретшінің «Дала айқайы», «Түнгі Сарытоғай», «Ескі кеме», «Суретші Қ.Досниязовтың портреті», «Кешкі мезгіл.Жаңбырдан соң», «Сарытоғай.Алтын ағаш», «Аққала ауылы» және т.б

Көрмеге Н.Тілендиев атындағы дарынды балаларға арналған мамандандырылған мектеп-интернатының оқушылары мен Жоғары инновациялық халықаралық қатынастар колледжінің студенттері қатысты.