2023 жылдың 21 маусым күні Атырау облыстық Ш.Сариев атындағы көркемсурет және қолданбалы-сәндік өнер музейінде Халықаралық Әкелер күніне орай музей қоры туындыларынан көрме өтті. 

Көрменің мақсаты: Музей қорындағы әке образы бейнеленген туындылар арқылы әке орнының ерекшелігін, маңыздығын  түсіндіру. Музей қорындағы туындыларды насихаттау.

Әкелер күні – жыл сайын көптеген елдерде әкелердің құрметіне атап өтілетін мереке.

Әкенің отбасындағы рөлі ерекше. «Әке – асқар тау» сөзінің өзінде үлкен мән жатыр. Әке – шаңырақтың тірегі. Әрдайым барын отбасына ұсынатын қарқоршы әкені құрметтеу, қадірлеу бұл әр перзенттің парызы. 

Көрмеге Т.Әбуовтың «Кеңес Одағының Батыры, генерал-лейтенант С.Нұрмағамбетовтің портреті», А.Молдабековтың «Ата», А.Утаралиевтің «Т.Досымовтың портреті», Е.Дәукеновтың «Отаның тыныш –сен тыныш», Е.Бозжігітовтың «Әкеден қалған із» секілді туындылары қойылды. 

Шараға Атырау қаласының Абай атындағы оқушылар орталығының  оқушылары қатысып, әке образы бейнеленген қылқалам шеберлерінің ерекше туындыларымен танысты.