2023 жылдың  тамыз айының 10 жұлдызында Атырау қаласы Абай атындағы оқушылар орталығында Абай күніне орай Атырау облыстық Ш.Сариев атындағы  көркемсурет және қолданбалы-сәндік өнер музей қоры туындыларынан  көрме өтті.  Шараның мақсаты: Бүгінгі, ұлы ақын Абайдың туған күніне орай ұйымдастырылған шараға апарылған көрмеміздің басты мақсаты Абайдың шығармашылығына қатысты қызығушылықты арттыру, кейінгі өскелең ұрпаққа Абайдың қадір-қасиетін, бай мұрасын жеткізу. Көрермендерді Ш.Сариев атындағы Өнер музейінің қорындағы Абай туралы туындылармен таныстыру. Абай - мәңгілік тақырып. Әр ұрпақты Абай үлгісінде тәрбиелеу – ізгілікке, имандылыққа, биік адамгершілікке бастайтын жол. Абай секілді ұлы ақынды өз туындыларына арқау еткен бірқатар суретшілер бар. 2021 жылғы Ш.Сариев атындағы өнер музейінде «Сурет әлеміндегі Абай мұрасы» атты суретшілердің республикалық сумпозиуынан түскен қылқалам шеберлерінің картиналарының бірқатары, Атырау қаласы Абай атындағы оқушылар орталығында өткен шара қонақтарына таныстырылды.