2023 жылдың 12 қыркүйек күні Атырау облыстық Шаймардан Сариев атындағы көркемсурет және қолданбалы-сәндік өнер музейінің ұйымдастыруымен Қарағанды облыстық бейнелеу өнері музейінде Карагандинский областной музей изобразительного искусства «Ұлы дала бояулары» атты музей қоры туындыларынан жасақталған көрменің ашылу салтанаты өтті.
▫️Мақсаты: Қазақстан бейнелеу өнері мен Атырау Өнер музейі қоры туындыларын кеңінен насихаттау, рухани құндылықты жаңғыртып, Қарағанды қаласының тұрғындары мен қонақтарына мәдени-рухани демалыс сыйлау, Ш.Сариев атындағы Өнер музейі мен Қарағанды облыстық бейнелеу өнері музейі арасындағы ынтымақтастықты нығайту.
▪️Көрмеге Ш.Сариев атындағы өнер музейі қорындағы Қазақстандық көрнекті қылқалам шеберлерінің заманауи өнер туындылары ұсынылып отыр. Қоғамдық дамудың қай сатысында болсын, қоғаммен бірге дамыған өнер әр кезеңнің өшпес ізін қалдырып отырды. Әр түрлі шығармашылық сипаттағы және әр түрлі темпераментті суретшілердің өз талантын күрделі және көп қырлы техникада қалай суреттелетінін экспозиция айқын көрсетеді.
▫️Көрмеде КСРО Суретшілер Одағының мүшелері Ш.Сариевтің, Ж.Шарденовтың, С.Романовтың, М.Калимовтың және жергілікті қылқалам шеберлері Ж.Аралбаевтың, М.Давлетьяровтың, Қ.Амановтың, С.Кәрібайдың, Р.Слекеновтың және басқа да көптеген суретшілердің туындылары көрермен назарына ұсынылды.
Көрмеге қойылған барлық жұмыстар ерекше дарын иелерінің ой ұшқырлықтары мен асқан шеберліктерінен туындаған туынды болып табылады. Олар негізінен портрет, пейзаж сынды кеңінен тараған жанрларда орындалған.
▪️Салтанатты шарада Қарағанды облыстық Мәдениет, архивтер және құжаттама басқармасының басшы орынбасары Нелдібаев Ерлан Мекежанұлы көрмені ашып, басқарма басшысының алғыс хатын табыстады.
▫️Атырау облыстық Ш.Сариев атындағы Өнер музейінің басшысы Төлеген Орынбасарұлы Тулеген Орынбасарулы Қарағанды облыстық бейнелеу өнері музейін 35 жылдығымен құттықтап, сөз сөйледі. Көрмені тамашалауға келуші қонақтарға алғысын білдірді.
▪️Қарағанды облыстық бейнелеу өнері музейінің басшысы Бибігүл Сағынтайқызы құттықтау сөз сөйлеп, белгілі суретшілердің каталогтарын табыстады.
Қарағанды облыстық бейнелеу өнер музейі мен Атырау облыстық Ш.Сариев атындағы көркемсурет және қолданбалы-сәндік өнер музейі арасында ынтымақтастық туралы меморандумға қол қойылды.
▫️Атырау облыстық Өнер музейінің «Ұлы дала бояулары» атты жылжымалы көрмесінде ҚР Суретшілер Одағының мүшелері Троценко Владимир Антонович, Арент Виктор Антонович, Балабеков Қаныш Аманжолұлы секілді суретшілер құттықтау сөз сөйледі.
Қарағандылық жас суретші, ҚР Суретшілер Одағының мүшесі Макеева Мариана Андреевна көрмемен құттықтап, Өнер музейі қорына «Вечернее чаепитие» тақырыбындағы өз туындысын сыйға тарту етті.
▪️Шараны Тәттімбет атындағы өнер колледжінің студенті “Қараторғай” Халық әнімен көркемдеді.
«Ұлы дала бояулары» көрмесі бүгінгі күн тұрғысынан қарағанда кескіндеме жаухарларын көріп, түсінуге мүмкіндік береді.
?Көрмеге 70 жәдігер қойылды.
Көрме қазан айының 1-іне дейін жалғасады.
