2023 жылдың 27 қазан күні Атырау облыстық Ш.Сариев атындағы көркемсурет және қолданбалы-сәндік өнер музейі «№4 арнаулы әлеуметтік қызметтер көрсету орталығы» коммуналдық мемлекеттік мекемесінде «Ардагерді ардақтайық!» тақырыбында жылжымалы көрме өткізді.
Шараның мақсаты: Өнер музейінің қорындағы туындыларды насихаттау. Қала бейнесі бейнеленген туындылармен, олардың авторларымен таныстыру.
Жылжымалы көрмеде экскурсия жүргізушілері А.Дюсенғали және Ә.Асқарқызы кенеп бетіне түсірілген Атырау бейнесі бейнеленген туындыларға экскурсия жүргізді. Мекеме қариялары шара туралы ойларын айтып, музей қызметкерлеріне жылы лебіздерін білдірді.
Жылжымалы көрмеге О.Кендірдің «Атырау келбеті», «Атырау кеме порты», Қ.Оразғалиевтың «Атырау», Ө.Шорановтың «Атырау. Қала көрінісі», Ә.Жантасовтың «Кешкі мезгіл жаңбырдан соң», Э.Жұмабаеваның «Тельман көшесі», С.Абзаловтың «Исатай-Махамбет ескерткіші», С.Кәрібайдың «Исатай-Махамбет алаңы» және т.б. туындылар апарылып, таныстырылды.