2023 жылдың 3 қараша күні Атырау облыстық Ш.Сариев атындағы көркемсурет және қолданбалы-сәндік өнер музейінде музей жанындағы көркемсурет студиясы оқушыларының “Суретшілер туындыларындағы - Күз” атты шығармашылық көрмесі өтті.
Шараның мақсаты: студия оқушыларының сурет салуға деген қызығушылығын, талпынысын арттыру. Күз мезгілінің кереметтігін, жаз табиғатының күзге ауысуы, жапырақтардың сарғыш түске боялып, алтын күзге айналуын студия оқушыларының қылқалам ұшынан шыққан туындылары арқылы бейнелеу.
Сұр бұлт түсі суық қаптайды аспан, Күз болып, дымқыл тұман жерді басқан”-деп жазылған Абай атамыздың “Күз” өлеңінде күз мезгілінің пейзажын суреттеген секілді. Көрме залына студия оқушылары Аяулым Талғатқызы, Бекәлі Жаролла, Дана Жеткерген, Тамерлан Болатов және т.б оқушылардың күз мезгілі бейнеленген жұмыстары ілінді. Оқушылар ілінген жұмыстарды талқылап, өз ойларымен бөлісті.
