2023 жылдың 21 желтоқсан күні Атырау облыстық Ш.Сариев атындағы көркемсурет және қолданбалы-сәндік өнер музейінде Жаңа жыл мерекесіне арналған көркемсурет студиясы оқушыларының «Жаңа жыл ғажайыптары» тақырыбында көрмесі өтті. 

​Шараның мақсаты: оқушылардың қиялдау, елестету дағдыларын дамыту арқылы жаңа жыл туралы өз ойларын қағаз бетіне түсіру. Айналаны қоршаған ортаны бақылау арқылы қыс мезгілінің көз тоймас қызықтарын, табиғаттың әсемділігін көріп қана қоймай тамаша көріністеріне қамқорлықпен қарау сияқты адамгершілік дағдыларын қалыптастыру. Балаларға мерекелік көңіл күй сыйлау.

​Жаңа жыл – әлемдегі қуанышқа толы қайталанбас таңғажайып сиқырлы мерекелердің бірі. Жаңа жылдық сурет көрмесіне тапсырылған барлық туындылар шарықтаған бала қиялының шексіздігін таныта түседі. Бейнелеу өнеріне бейімі бар балалар өз туындыларын үлкен шеберлікпен орындады.