ҚР Суретшілер Одағының мүшесі, өлкемізге танымал суретші және ұстаз Айса Бақтиярұлының Бейнелеу өнерінің графика, сәндік қолданбалы өнер, кескіндеме түрлерінен шығармашылық жұмыс атқарып жүргеніне ширек ғасырдай уақыт болды. Айса Бақтиярұлы пластикалық танымы мен графикаға деген кәсіби қатынасы ерекше қалыптасқан график суретші. Айса ағамыздың графикалық туындылары ешбір көрерменді де, өнертанушыны да таң қалдырмай қоймайды. Айса Бақтиярұлының кескіндемелік туындылары да бір төбе. «Сарайшық аруы», «Жалғыз терек», «Қобыланды батыр» т.б. шығармалары кескіндемелік лирикаға, жергілікті ландшафттық нанымдылыққа және ұлттық сипаттағы колоритке бай.