Атырау облыстық Шаймардан Сариев атындағы көркемсурет және қолданбалы-сәндік өнер музейі елде COVID-19 коронавирустық инфекциясының әкелінуі мен таралуына жол бермеу мақсатында көрермендерді қабылдауды 2020 жылғы наурыз айының 18-інен бастап тоқтатқан болатын. Енді Атырау облысы Бас мемлекеттік санитарлық дәрігерінің «Атырау облысы тұрғындары арасында короновирустық инфекциясы індетінің алдын алуға қарасты шаралар туралы» 2020 жылғы 11 қыркүйектегі №65 қаулысына сәйкес 2020 жылдың 14 қыркүйегінен бастап көрермен қабылдауды қайта бастады. Барлық санитарлық талаптар негізінде дезинфекциялық жұмыстар тұрақты жүргізіледі. Әлеуметтік арақашықтықты сақтау ережелері қатаң сақталған. Музеймен қуана қауышқан ең алғашқы көрермендеріміз тосын сыйға ие болды. Музей залдарына экскурсия жүргізілді. Бұдан бөлек музей жаңалықтарын виртуалды түрде FACEBOOK әлеуметтік желісіндегі «Ш.Сариев атындағы Өнер Музейі», museum_atyrau INSTAGRAM желісіндегі парақшаларынан және http://torus360.kz/tours/shaimardan/ виртуалды тур, арнайы бейнероликтер мен музей жаңалықтарын, экспозициялық залдар туралы толық мағлұматты http://shaimardan.kz/kk/ сайтынан, YouTube каналынан https://www.youtube.com/watch?v=1bCEBbGj1oo тамашалай аласыздар.

Естеріңізге сала кетейік, Ш.Сариев атындағы Өнер музейі дүйсенбі-жексенбі күндері сағат 10:00-18:00 аралығында үзіліссіз жұмыс істейді.

Өнер музейіне қош келдіңіздер!