Құрметті Отандастар! Баршаңызды тарихымыздың мерейлі мерекесі — Қазақстан Республикасының Тұңғыш Президенті күнімен  құттықтаймыз!
Айтулы күннің барша халқымыз үшін маңызы мен мазмұны ерекше екендігі  сөзсіз. Бұл — ғасырлар тоғысында ата-бабалар аңсаған аңсарлы әлем  Азаттықтың алауын жағып, Тәуелсіздіктің тұсауын кескен, қазақ жұртын  әлемге бейбітсүйгіш ел, толерантты ұлт ретінде танытқан Елбасының таққа  отырған, Алаш баласының басына бақ орнаған күн болып тарихта қалатыны  шындық. Күнтізбеге қызыл белгімен енетін бұл мемлекеттік мерекенің еліміз үшін  орны бөлек. Себебі біздің егеменді Тәуелсіз мемлекетімізді халықаралық  аренада жаңа деңгейге көтерген Елбасымыз — Нұрсұлтан Әбішұлы  Назарбаевтың еңбегі орасан зор.Жерінің тұтастығын сақтай отырып, ел тыныштығы мен ауыз біршілікті,  татулық пен достықты ту етіп көтеріп, жасампаз Қазақстан құрды.Халық алдында, мемлекет алдында осындай толағай тірлік атқарған  Президент күнін атап өту Сіз бен біздер үшін үлкен қуаныш, зор мәртебе.
Назарларыңызға "1 желтоқсан - Тұңғыш Президент күніне" орай Ш.Сариев атындағы көркемсурет және қолданбалы-сәндік өнер музейі қорынан онлайн фотокөрмені  ұсынамыз.