Қазақ музыкасы мен әдебиетінің арасына алтын көпір орнатып, руханияттың қос қырына қанат бітірген, бірінің сырын екіншісі арқылы дамыта білген Қазақстан және Қырғызстан Республикаларының Еңбек сіңірген қайраткері, «Парасат», «Дәнекер» және «Отан» ордендерінің иегері, ҚР Суретшілер Одағының мүшесі Илья Жақанов бүгін 85 жасқа толды. Өнер әлемінің майталманы, қазақтың кең даласын сырлы да сазды әндерімен тербеткен өнер қайраткерін бүгінгі мерейлі жасымен құттықтап, деніне саулық, шығармашылық жетістіктер тілейміз. Ендеше Шаймардан Сариев атындағы көркемсурет және қолданбалы-сәндік өнер музейі ұжымы дайындаған бейне-құттықтауымызды назарларыңызға ұсынамыз.