Астана күнін мерекелеу қарсаңында Ш.Сариев атындағы Атырау облыстық көркемсурет және сәндік-қолданбалы өнер музейінде қазақстандық суретшілердің туындыларынан "Елордасы елімнің" көрмесі өтті. Экспозицияда Т.Оразғалидың "ЭКСПО-2017", Е.Дәукеновтың "ЭКСПО-Астана", А. Қабесованың "Гүлденген Астана", Н. Қалиевтің "Бәйтерек" және т. б. жұмыстары қойылған.

Экскурсия - жүргізушісі М.Болатова Қазақстан астанасының қалыптасу тарихына экскурсия жүргізіп, Нұр-Сұлтанның жас тәуелсіз мемлекет тарихына өзінің алтын парағын жазғанын айтып өтті. Көз алдымызда өзгеріп жатқан жас астана-жасампаздықтың, шығармашылық пен прогрестің символы. Көрмеге Ш.Сариев музейіндегі бейнелеу студиясының оқушылары қатысып, осы мерекеге арнап қойылған картиналармен танысты.