2021 жылдың 17 қыркүйек күні Атырау облыстық Ш.Сариев атындағы көркемсурет және қолданбалы-сәндік өнер музейінде ҚР Суретшілер Одағының мүшесі Айса Отаралиевтың 65 жылдығына арналған музей қоры туындыларынан көрме өтті.

Ұлт мәдениетін зерделеуде бейнелеу өнері үлкен ықпал етеді. Өзіміздің мәдениетімізді насихаттауда Айса Отаралиев секілді суретшінің туындылары бізге арқау болады. Көрмеге Айса Отаралиетың «Жайық жағасы», «Қобыланды батыр», «Т.Досымовтың бейнесі», «Дәм», «Исатай-Махамбет», «Индердегі ескі үй», «Желтау», «Жеңіс саябағы», «Құмдағы ауыл», «Балалыққа саяхат» секілді туындылары қойылды.

Соның ішінде "Исатай-Махамбет", "Қобыланды батыр" туындылары қазақ халқының ұлтшылдығын, елі үшін, жері үшін күрескен халық екендігін айқындайтын туындылар. "Т. Досымовтың бейнесі" картинасында қазақтың тұңғыш бард ақыны Табылды Досымовтың бейнесі бейнеленген.

Шараға Қ.Дүтбаева атындағы Атырау гуманитарлық колледжінің студенттері қатысып, суретшінің өмірбаянымен және суретшінің шығармашылығымен қызыға танысты .

Экскурсия жүргізушісі А.Дюсенғали.