2022 жылдың  20 қаңтар  күні  Атырау облыстық Ш.Сариев атындағы  көркемсурет және қолданбалы-сәндік өнер музейінде КСРО  Суретшілер Одағының мүшесі Қайдар Рахимовтың 105 жылдығына арналған онлайн тақырыптық дәріс-сағаты өтті.

Шараның мақсаты: КСРО Суретшілер Одағының мүшесі Қайдар Рахимовтың өмір жолы мен шығармашылығымен кеңінен таныстыру. Көрермен назарына суретші туралы мағлұмат ұсынып, шығармашылығын насихаттау.

Қанша уақыт өтсе де жарқырай түсетін, өз мәні мен мағынасын ешқашан жоғалтпайтын шынайы құндылықтардың бірі – бейнелеу өнері саналады. Бейнелеу өнерінде тамаша туындыларды өмірге әкелген туа біткен дарын иелерінің бірі -Қайдар Рахимов. 

Бүгінгі дәріс сағатымызда өзінің шығармашылығымен, қажырлы еңбегімен көзге түскен Қазақстандық суретші  Қайдар Рахимов туралы баяндалды.

Сонымен қатар, Өнер музейі қорындағы Қ.Рахимовтың «Теңіз дауылы», «Балықшылар еңбегі» сериясынан ; «Қарт балықшының бейнесі», «Балықшылар еңбегі» сериясынан; «Балық ауын тоқушы Тазагүл Бисембиева», «Орал-Каспий балықшылары» сериясынан; «Күтуде», «Орал-Каспий балықшылары» сериясынан және т.б. туындылары көрермен назарына ұсынылды.