2022 жылдың 1 сәуір күні Ш.Сариев атындағы Атырау облыстық көркемсурет және қолданбалы-сәндік өнер музейінде "1 сәуір - Құстар күніне" арналған "Ақжайық" мемлекеттік табиғи резерваты резерватымен бірлескен музей қорындағы туындылар мен резерват фотосуреттерінен шығармашылық көрме өтті.

Шараның мақсаты: "1 сәуір- Құстар күніне" арналған көрмеде "Ақжайық" резерватынан әкелінген құстар фотосуреттерімен музей қоры туындылармен таныстыру. 1868жылы Вена қаласында (Aвстрия) алғаш рет құстарды қорғау туралы ресми шешім қабылданған. 2009 жылғы 6 ақпанда "Ақжайық" мемлекеттік табиғи резерваты" құрылды. Резерватта құстардың 300-ге жуық түрлері таралған.

Музей қорындағы Кендір Отарбайдың «Құрақ», «Жалғыз тырна», Ақтоты Смағұлованың «Саят», Нұрсұлтан Қалиевтің «Неге қарлығаштың құйрығы екіге айыр», Амандос Ақанаевтың «Тыныштық» атты туындылары көрмеге қойылды. Көрмені Атырау облыстық балалар оңалту орталығының және № 13 Д.Байбосынов атындағы орта мектептің оқушылары тамашалауға келді.