2022 жылдың 14 сәуір күні Атырау облыстық Ш.Сариев атындағы көркемсурет және қолданбалы-сәндік өнер музейінде суретші, жерлесіміз Әмина Қабесованың 65 жас мерейтойына арналған тақырыптық дәріс-сағаты өтті.

 Шараның мақсаты: Көрермендерге суретші Әмина Қабесованың өмірбаяны мен шығармашылығы туралы мағлұмат беру.

Көрмеге Әмина Қабесованың «Әлия мен Мәншүк», «Абылай хан бейнесі», «Абай», «Т.Әубәкіров бейнесі», «Көтеріліс», «Кузеняткин бейнесі», «Жайық жағасы», «Ауыл шеті», «Гүлденген Астана» секілді туындылары қойылды. Шараға Бесікті және Талғайран ауылдық мәдениет ошақтарының қызметкерлері, Бесікті мектеп-интернатының 4-5 сынып оқушылары және Талғайран негізгі мектебінің 9 сынып оқушылары қатысып, суретшінің өмірбаянымен және шығармашылығымен танысты. Экскурсия жүргізушісі А.Дюсенғали.