2022 жылдың  30 қыркүйек күні Атырау облыстық Ш.Сариев атындағы көркемсурет және қолданбалы-сәндік өнер музейі «Ұстаздар күні» мерекесіне орай, «APEC Petrotechnic» колледжінде  жылғымалы көрме өткізді.

Жылжымалы көрме өткізілудегі негізгі мақсат-«APEC Petrotechnic»  колледж студенттерін музейі қорындағы туындылармен таныстырып, өзара байланыс орнату.

Дүниедегі мамандық атаулының төресі- ұстаздық. «Мұғалім мамандығы- барлық мамандықтың анасы» демекші ұстаз алдынан тәрбие алмайтын жан жоқ. Ғылым иесі ғалым да, ел қорғаған батыр да, тілінен бал тамған ақын да, қылқалам шебері суретші де, тегеуріні темір балқытқан жұмысшы да бәрі-бәрі ұстаздан білім мен тәлім алған.

Сондықтан ұлағатты ұстаздарға бүкіл адам баласы құрметпен бас иеді.

Қастерлі де қасиетті ұстаздарға арналған бүгінгі жылжымалы көрмеге қылқалам шеберлері Ә.Жантасовтың «Махамбет-Исатай алаңы»,

С.Кәрібайдың «Мұнайшы», «Жайық жағасы», Л.Мамырованың «Ақінген», Т.Бақтыгереевтың «Өнер музейі», С.Абзаловтың «Мешіт» т.б музей қорындағы туындылары апарылып, студенттерге таныстырылды.