2022 жылдың  8 желтоқсан   күні  Атырау облыстық Ш.Сариев атындағы  көркемсурет және қолданбалы-сәндік өнер музейінде «8 желтоқсан - Халықаралық суретшілер күніне» орай «Суретші өмірінің бір сәті» тақырыбында дәріс-сағат өтті.

Шараның мақсаты: Балалардың сурет өнері туралы түсініктерін дамыту.  Суретшілердің мерекесі  туралы мағлұмат беру.

Желтоқсанда шығармашылық мереке – Суретшілер күні тойланады. Бұл шара тек осы саланың кәсіби қызметкерлеріне ғана емес, барша өнер сүйер қауымға қатысты. Халықаралық суретшілер күні 2007 жылы әлемдік ауқымдағы әлеуметтік мәні бар іс-шаралар күнтізбесіне енгізілді.  Бұл мерекені «Әлем халықтарының өнері» халықаралық қауымдастығы жариялады.

Шараға Ш.Сариев атындағы Өнер музейі жанындағы «Бейнелеу өнері» студиясының ересек топ оқушылары қатысты. Дәріс-сағатты өткізген Дюсенғали Аида.