2024 жылдың  14 маусым күні Атырау облыстық Ш.Сариев атындағы Өнер музейінде сыбайлас жемқорлыққа қарсы күрес шараларына арналған  «Жеңіл ақша-ауыр жаза!» тақырыбында суретшілер арасында облыстық байқау-көрмесі өтті. Бүгінгі өтетін шараға   ҚР Сыбайлас жемқорлыққа қарсы іс-қимыл агенттігінің Атырау облысы бойынша департамент басшысының бірінші орынбасары Жахин Нұрлан Серікұлы, Атырау облысы әкімі аппаратының Әдеп жөніндегі уәкілі Ахметова Фарида Төлегенқызы және жергілікті қылқалам шеберлері, қала тұрғындары мен меймандары қатысып отыр.

Шараның мақсаты:

- Сыбайлас жемқорлық барлық қоғамдардағы әлеуметтік-экономикалық дамуға нұқсан келтіреді. Қай елдің, қай өңірдің, қай қоғамның болсын, сыбайлас жемқорлыққа қарсы тұра алатын  иммунитеті әлсіз болса, ілгері дамымайды. Пара алған да, пара берген де тиісінше жазаланады. Оны болдырмау үшін сыбайлас жемқорлыққа қарсы мәдениетті қалыптастыруымыз керек. Байқау мақсаты да сол, «Жемқорлыққа жол жоқ!» деген мағынаға жауапты майлы бояумен кенеп бетіне түсіру;

- Облыстың түкпір-түкпіріндегі  суретшілердің басын біріктіріп, бейнелеу өнерін насихаттау, қоғамға  суретшілердің жетістіктері мен мүмкіндіктері туралы ақпараттандыру,

- Бейнелеу өнері әлемінде қылқалам шеберлерінің бастамаларын қолдау;

Тәуелсіздіктің алғашқы күндерінен бастап, Қазақстан сыбайлас жемқорлыққа қарсы ымырасыз күреске белсене араласып және сыбайлас жемқорлыққа қарсы барлық мемлекеттермен және тиісті халықаралық ұйымдармен сындарлы өзара іс-қимыл жасауға дайын екендігін көрсетті.

«Жеңіл ақша – ауыр жаза» атты суретшілер арасындағы облыстық байқау-көрмесін салтанатты түрде ашу үшін сөз Шаймардан Сариев атындағы көркемсурет және қолданбалы-сәндік өнер музейінің басшысы Төлеген Орынбасарұлы аталған тақырыптағы тың туындылар музей қорының құнды жәдігері болатындығын, негізгі мақсат облыстағы суретшілердің шығармашылық өзара іс-қимылына ықпал ету, отандық қазіргі заманғы бейнелеу өнері саласындағы дәстүрлі және жаңашылдықты танымал ету    екендігін атап өтті. Осы мақсатта ұйымдастырылған «Жеңіл ақша – ауыр жаза» атты суретшілер арасындағы облыстық байқау-көрмеге 17 суретші қатысты. Оның ішінде қазылар алқасының шешімімен бір қатысушыға орын берілмеді.

Байқау-көрмені сараптаған әділқазылар алқасының төрағасы  «Атамекен» өнер ордасы көрме ұйымдастыру бөлімінің басшысы, Қазақстан Республикасы Суретшілер және Еуразиялық Дизайнерлер Одағының мүшесі, халықаралық «Тұран» көркемөнер сыйлығының лауреаты, қауымдастырылған профессор Мәдіров Қуандық Насихатұлы.

Әділқазылар алқасының мүшелері Қазақстан Республикасы Суретшілер Одағының мүшесі, Атырау облыстық Махамбет атындағы Академиялық қазақ драма театрының көркемдік жетекшісі,  «Құрмет» орденінің иегері Мұхтаров Темірбек Мәжитұлы;

Атырау облыстық Ш.Сариев атындағы көркемсурет және қолданбалы-сәндік өнер музейінің «Қорларды ғылыми зерттеумен қамтамасыз ету» бөлімінің ғылыми қызметкері  Оразғалиева Алия Сейітқалиқызы.

Комиссия төрағасы  Мәдіров Қуандық Насихатұлы   туралы  және байқау-көрме туралы өз ойын айтып, сөз сөйледі.

Байқау көрмеде 10 суретші Алғыс хатпен,  3 суретші  жүлделі III орынмен, 2 суретші жүлделі ІІ орынмен, 1 суретші І орынмен марапатталды.

І орын  -  Рахметов Мұрат Сафиоллаұлы, «Періштенің адасуы» туындысымен;

ІІ орын  - Қисметов Талғат Геннадийұлы, «Өмір мен Өкініш» туындысымен;

ІІ орын – Дюсенгалиев Аслан Аязбайұлы, «Жіпсіз байланыс» туындысымен; 

ІІІ орын - Даукенов Елеуғали Тұрсынғалиұлы, «Өзіңнен баста» туындысымен;

ІІІ орын - Халин Тілек, «Қазаннан қақпақ кетсе, иттен ұят кетеді» туындысымен;

ІІІ орын – Абзалов Сағын Көпжасарұлы, «Заман шабандозы»  туындысымен

10 ынталандыру сыйлығы

Мендакулов Қайырғали Кенжеғалиұлы, «Ұрлық түбі - қорлық» (Судың да сұрауы бар) туындысымен;

Аманов Қамбарбек Хасенұлы, «Жемқорлық ел қасіреті» туындысымен;

Утаралиев Айса Бақтиярұлы, «Ала жіпті аттама» туындысымен;

Әлжанов Ғаділбек Мұратұлы, «Нәтиже» туындысымен;

Қарабалин Оразбай Төлегенұлы, «Жемқорлық» туындысымен;

Телеубай Бақтыгерей Селдірұлы, «Жемқорлық жойылсын» туындысымен;

Қалиев Нұрсұлтан Молдағұлұлы, «Халықпен ашықтық» туындысымен;

Арстанов Исім Нұрлығайынұлы, «Қиял» туындысымен;

Салиев Бақыт Алпамысұлы, «Тоқтауы жоқ, жемқордың, оттауын  білер мал артық» туындысымен;

Жұмашев Қалымбек Сабырұлы, «Stop - жемқорлық» туындысымен

марапатталады.  

Кеш соңында «Жеңіл ақша-ауыр жаза» тақырыбындағы  облыстық  байқау-көрмесін ашу үшін лента қию рәсімі өткізілді. Көрермендер байқау-көрме туындыларымен танысты.