2025 жылдың 16 қаңтар күні Атырау облыстық Ш.Сариев атындағы көркемсурет және қолданбалы-сәндік өнер музейінде КСРО Суретшілер Одағының мүшесі Евгений Матвеевич Сидоркиннің туғанына 95 жыл толуына арналған  дәріс сағат өтті.

Дәріс сағаттың мақсаты – суретші-график Евгений Матвеевич Сидоркиннің өмірбаяны мен туындыларын таныстыру.

Евгений Матвеевич Сидоркин 1930 жылы 7 мамырда Киров облысы, Лебяжье селосында дүниеге келген. Суретші-график,Қазақ ССР-не өнері сіңген қайраткер.1951 жылы Казан көркемсурет училищесін бітірген. 1951-1952 жылдары Латыш көркемсурет академиясында оқыған. 1957 жылы Ленинград И.Е.Репин атындағы көркемсурет институтын тәмамдаған. Оқуын бітіргеннен кейін Алматы қаласына келіп Қазақ халық ертегілер кітабына графикалық жанрда иллюстрация жасау жұмысымен айналысқан.

Өнер музейінің қорында Евгений Матвеевич Сидоркиннің «Шайхана»; «Сатыда»; «Асуда» деп аталатын туындылары бар.

Дәріс-сағатты тыңдаушы көрермендерге график-суретшінің өмірбаяны және музей қорындағы туындылары таныстырылды.