2025 жылдың 5 наурыз күні сағат 11:00-де Атырау облыстық Ш.Сариев атындағы көркемсурет және қолданбалы-сәндік өнер музейінде Өнер музейі жанындағы көркемсурет студиясы оқушыларының 8 наурыз  Халықаралық әйелдер  мерекесіне арналған «Ана – тіршіліктің тірегі» тақырыбындағы шығармашылық көрмесі өткізілді.

Шығармашылық көрменің өткізілудегі негізгі мақсаты – жас қылқалам шеберлерінің шығармашылығына қолдау жасау, бейнелеу өнеріне деген қызығушылығын арттыру.

Көрмеге көркемсурет студиясы оқушыларының 40-қа жуық жұмысы қойылды. Әрбір жұмыс ерекше, үлкен ықыласпен әрі сүйіспеншілікпен бейнеленген. Кез-келген сурет балалардың шынайылығы мен энергеттикасына толы. Суреттер гуашьпен, акварельмен  және түрлі-түсті қарындашпен салынған. Көрменің ашылу салтанатында аналардың құрметіне оқушылардың өнері топтастырылып концерттік бағдарлама қойылды. Қызықты ойындар ойнатылып, пазыл құрастырып және ата-аналармен бірге суреттер салынып, байқаулар ұйымдастырылды. Көрме барысында оқушылар аналарына арналған құттықтау хатын өз қолдарымен әдемі ашық хат ретінде  ұсынды. Көрмеге қатысқан барлық оқушыларға сыйлықтар табыс етілді.   

Сондай-ақ арт-терапия ретінде әр баланың көркемдік қабілетін дамыта отырып, шығармашылық, қиял сезімін дамыту. «Мен» бейнесін қалыптастыру, арттерапияны қолдану арқылы баланың өзі білмеген, өзінен құпияда сақтаған дарындылықтарын жарыққа шығарып, оны дамытуға қанағаттанушылық сезімін ояту,өзінің ішкі жан – дүниесін білуге, түсінуге мүмкіндік беру, сенімсіздікті жою.