2025 жылдың 7 наурыз күні Атырау облыстық Шаймардан Сариев атындағы көркемсурет және қолданбалы-сәндік өнер музейінде  8 наурыз - «Халықаралық әйелдер күні» мерекесіне арналған «Ең қымбаттылар үшін» тақырыбында шығармашылық көрме өтті.

«Ең қымбаттылар үшін» деп аталатын көрме – әйелдердің қоғамдағы, отбасындағы рөліне, олардың өмірге әкелетін маңыздылығына арналған.

Халықаралық әйелдер күні жыл сайын 8 наурызда әлемнің көптеген елдерінде атап өтіледі-бұл күні барлығы әйелдерді құттықтайды және оларды бақытты етуге тырысады.

Ханымдар құттықтауларды, гүлдер мен сыйлықтарды тағатсыздана күтетін, ал ерлер нәзік мырзаларға айналатын және сүйікті адамдарға көңіл бөлетін мереке бір жарым ғасырдан астам уақыт бұрын әйелдердің өз құқықтары үшін күрес күні ретінде пайда болды.

Өнер музей қорындағы Т.Халиннің «Мәртебелі көктем»; Г,Исмайлованың «Бибігүл Төлегенованың портреті»; М.Қалимовтың «Лиза Қалимованың бейнесі»; Л.Қалимованың «Ақбота» және т.б туындыларынан арнайы жасақталған бүгінгі көрме арқылы біз әйелдердің жүректеріндегі шексіз мейірімділік пен жан дүниесіндегі нәзіктікті көрермен назарына ұсындық.