2025 жылдың 14 наурыз күні сағат 15:00 - де Ш.Сариев атындағы көркемсурет және қолданбалы-сәндік өнер музейінде көрісу күніне арналған «Бір жасыңмен!» тақырыбында дәріс-сағат өтті.

Дәріс -сағаттың мақсаты - өскелең ұрпаққа, музей көрермендеріне қазақ халқының салт-дәстүрлері, әдет-ғұрыптары туралы терең мағлұмат беру. Қазақ халқының салт-дәстүрін көрсету. Қазағымыздың салт дәстүрлерінің бірі – көрісу күнінің ерекшелегімен таныстыру.

Көрісу – Батыс Қазақстан аймағында көбірек сақталған ежелгі дәстүр. Көрісу күні бұрынғы өкпе-реніш кешіріліп, араздық ұмытылады, көрші-көлем бір-бірін наурыз көжеге шақырып, ағайын-туыстарына, меймандарына амандық-саулық, құт-береке тілейді. Көрісу тек адамдардың бір-біріне амандасып, жақсылық тілейтін қауышу мерекесі ғана емес, сондай-ақ жасы үлкендерге ізет көрсетіп, ілтипат білдіретін дәстүрлі көрініс. Қариялардың айтуынша, бұл күні реніште жүрген жандар татуласады. Сондықтан көрісу айты – ағайын мен туыс арасындағы байланысты бекіте түсетін дәстүр.

Дәріс – сағатта  М.Бақытхановтың «Наурыз көже», Б.Меңдіғалиевтің «Наурыз көже», Қ.Чагиевтің  «Наурыз» және Д.Қастеевтің «Наурыз» атты туындылары көрермен назарына ұсынылды.