2025 жылдың 26 наурыз күні сағат 15:00-де Атырау облыстық Ш.Сариев атындағы көркемсурет және қолданбалы-сәндік өнер музейінде «Гобелен құпиясы» тақырыбында музей қоры туындыларынан көрме өтті.

Музей қоры туындыларынан көрме өткізілудегі негізгі мақсаты –музейіміздің құнды қорындағы Гобелен – сәндік қолданбалы өнер түрін таныстыру,келушілерге  адамгершілік және эстетикалық дамуына ықпал етуші  қолөнердің дамуымен қарым-қатынас жасау.

Гобелен –суретті, түксіз, қабырғаға ілінетін және жерге төселетін кілем, яғни қолмен тоқылған кескіндеме. Гобелен – сәндік қолданбалы өнер түріне жатады. Гобелен өнерінің шығу тарихы XX ғасырдың басынан басталады. Тоқыма өнері – қолөнердің көнеден келе жатқан түрі. Кілем тоқушы шеберлер қазақтың ұлттық өнеріне өз үлестерін қоса білді. Тоқыма өнерінің түрлері: кілем, алаша, ши тоқу, гобелен өнері – жылдан жылға дамып келеді.

Суретті кілем – гобелен өнерінің шығу тарихы ХV ғасырдан басталады. Ең алдымен Франция, Италия, Германия елдерінде дамыды. Кейіннен Балтық жағалауында, Кавказ және Ресей елдерінде кең өріс алды.

Гобелен өнерінің қазақ қолөнеріне қадам басуы 1970 жылдардан басталды. Осы жылдары біздің елде тақырыптық, терең философиялық мазмұнды көркем туындылардың алғашқы бастамасы қалыптасты. Ұлттық дәстүрлі тоқыма өнері аз уақыт ішінде жаңа сипатқа ие болып, гобелен өнерімен тоғысты.

Көрмеде көрермендерге Л.Қалимоваңың  «Махамбет», Ә.Бапановтың және С.Бапанованың «Ата жұрт», «Киелі ағаш»  туындылары таныстырылды.