2025 жылдың 28 наурыз күні Атырау облыстық Ш. Сариев атындағы көркемсурет және қолданбалы-сәндік өнер музейінде Қазақстан Суретшілер Одағының мүшесі, суретші Эмилия Бабад Наумановнаға арналған тақырыптық дәріс-сағат өткізілді.

Дәріс-сағаттың мақсаты — суретші Эмилия Бабад Наумановнаның өмірбаяны және шығармашылығымен таныстыру.

Эмилия Бабад Науманова  — қазақстандық суретші, кескіндемеші 1912 жылы Киевте дүниеге келген. 1930-1934 жылдары Киев көркемсурет институтында оқыған. 1937 жылы Алматыға қоныс аударып, шығармашылық қызметін жалғастырған. 1950 жылдан бастап Эмилия Бабад көрмелерге қатысқан, ал 1957 жылы Қазақстан Суретшілер Одағының мүшесі. Осы кезеңде оның шығармашылығы танылып, ол натюрморт жанрында жемісті еңбек етті. Натюрморт — оның шығармашылығының негізгі тақырыбы болды. Бұл жанрда Эмилия Бабад өз шығармашылығында жансыз заттардың сұлулығын көрсетуге деген сүйіспеншілігін ашты, ол оның визит картасына айналды. Эмилия Бабад ұзақ әрі бақытты өмір сүріп, поэзия мен музыкаға толы өзінің кескіндемелік әлемін жасады.

Музей қорында Эмилия Бабадтың «Газета «Правда» және «Вечная память» атты туындылары сақталған.

Дәріс-сағатқа Назарбаев Зияткерлік мектебінің химия-биология бағытындағы оқушылары қатысып, дәрісті қызығушылықпен тыңдады. Дәрістен кейін оқушыларға музей залдарына экскурсия жүргізілді.