2025 жылғы 26 қараша күні Ш.Сариев атындағы Атырау облыстық көркемсурет және қолданбалы-сәндік өнер музейінде «Сызық, түс және қозғалыс» тақырыбында дәріс-сағат өтті. Іс-шара көрнекті қазақстандық және татар суретшісі Камиль Валиахметұлы Муллашевтің өмірі мен шығармашылығына арналды.
Дәріс-сағаттың мақсаты — студенттерді Камиль Муллашевтің шығармашылық жолы, дүниетанымы және көркем мұрасымен таныстыру, сондай-ақ оның сызық, түс және ішкі қозғалыс үйлесіміне негізделген көркемдік тілінің ерекшеліктерін ашып көрсету.
Камиль Муллашев — Қазақстанның заманауи өнерінің аса ірі шеберлерінің бірі. Ол 1944 жылы Үрімші қаласында дүниеге келген, көркемсурет бойынша білімді Синьцзянда, кейін Алматы мен Мәскеуде алған. 1970-жылдары ол халықаралық көрмелерге белсенді қатысып, оның «Жер және Уақыт. Қазақстан» атты триптихы кеңінен танылды. Муллашевтің шығармашылығы реализм мен символизмді, сондай-ақ адам мен табиғаттың біртұтас ырғақта өмір сүретіндігі туралы терең философиялық көзқарасты ұштастырады.
Ш.Сариев атындағы Атырау облыстық көркемсурет және қолданбалы-сәндік өнер музейінің қорында Камиль Муллашевтің «Радиация» және «Темір жол құрылысы» сияқты маңызды туындылары сақталған. Бұл жұмыстар оның философиялық көзқарасын және ерекше көркемдік ойлауын айқын көрсетеді.
«Сызық, түс және қозғалыс» тақырыбындағы дәріс-сағатқа Қ.Дүтбаева атындағы Атырау гуманитарлық колледжінің 1 курс студенттері және Назарбаев зияткерлік мектебінің оқушылары қатысты. Дәріс-сағат барысында студенттер мен оқушылар қызығушылық танытып, сұрақтар қойып, өзара пікір алмасты.
